Getdi bu qatar Şiiri - Sevinc Arzulu

Həsrətə dözməyə qalmayıb tabım,
Beləmi yazılmış ömür kitabım.
Xeyirli söz ilə bitsin xitabım,
Ilahi, məni bu sevgidən qurtar.

Ruhumun məskəni mavi fəzamı,
Bunca fikir etmək layiq cəzamı?
Düzəlsin dünyanın dövri-nizamı,
Yoxsa ki qəlbimin qüssəsi artar.

Sevdamın quruca qəbri qalmadı,
Dərdin etmədiyi cəbri qalmadı.
Dayanıb dözməyə səbri qalmadı,
Neynəyim, sonunda getdi bu qatar.