Geriye yol yoxdur Şiiri - Sevinc Arzulu

Bal-şəkəri kəm edərdim,
Ala gözü nəm edərdim.
Ağrıları cəm edərdim,
Daha o sol yoxdu, dostum.

Bu yerlər məni inudub,
Ayrılığı tez unudub.
Yerini ot, qanqal tutub,
Bənövşə kol yoxdu, dostum.

Ayrılığı bucaqlayım,
Dörd yanını ocaqlayım.
Səni necə qucaqlayım,
O əl, o qol yoxdu dostum.

Eh, xam xəyala dalmadan,
Kimsədən geri qalmadan,
Bir zamanlar ağ almadan,
Yığardıq bol.Yoxdur dostum.

Düşmənimi sındırmışam,
Baxışımla qandırmışam.
Körpüləri yandırmışam,
Geriyə yol yoxdu, dostum.