Gereyem indi Şiiri - Sevinc Arzulu

Sənin həsrətinin mehmanıyam mən,
Gur çayı qurumuş dərəyəm indi.
Bir qəmli baxışın qurbanıyam mən,
Dənizdə tək qalmış bərəyəm indi.

Bir zaman daş-qaşlı zər tac olmuşam,
Nədən qəm-kədərə möhtac olmuşam.
Həsrətdən quruyub qaxac olmuşam,
Bir köhnə,bir boyat çörəyəm indi.

Bağbanı tərk etmiş bir bağam artıq,
Kədərdən bozarmış torpağam artıq.
Budaqdan üzülmüş yarpağam artıq,
Ey fələk,de kimə gərəyəm indi