Gelende gelir Şiiri - Sevinc Arzulu

Məhəbbət yer üzün daim gəzər də,
Günəştək nur saçıb ömrü bəzər də.
Uzaqda dururam mən bəd nəzərdən,
Yolumdan dönürəm görəndə gəlir.

Başıma yığılar yar-yoldaşlarım,
Yamanca parlayar lə`l qaş-daşlarım.
Mənim gözlərimdən sevinc yaşları,
Səmimi ürəkdən güləndə gəlir.

Qəm gülün sevərək oxşayaq nədən,
Ömrü dərd içində yaşayaq nədən.
Demə qafiyələr baş-ayaq nədən,
Neynəyim,qəlbimə gələndə gəlir.