Geleceyem Şiiri - Sevinc Arzulu

Qəm gölünə çay gəlibdir,
Gözlə məni,gələcəyəm.

Hanı elin ehtişamı,
Kim söndürdü yanar şamı.
Yetişib vüsal axşamı,
Gözlə məni, gələcəyəm.

Qəlb evimdən daş tökülər,
Üzüyümdən qaş tökülər.
Gözlərimdən yaş tökülər,
Gözlə məni,gələcəyəm.

Könül evim viran qalıb,
Əzrail tək tiran qalıb.
Ölümümə bir an qalıb,
Gözlə məni, gələcəyəm.

Dərdi arayıb gəzərək,
Qəmi uzaqdan sezərək,
Fani dünyadan bezərək,
Mən də bir gün öləcəyəm,
Gözlə məni, gələcəyəm.