Gece kimi Şiiri - Sevinc Arzulu

GECƏ KİMİ

Dözəmmirəm möhnətinə,
Verdiyi lal töhmətinə.
Qərq eyləyir zülmətinə,
Qara gözlər gecə kimi.

Hicrin gözün oymayırsan,
Qaysağını soymayırsan.
Dostlarını saymayısan,
Almayırsan vecə kimi.

Sevda bal tək bir qidadır,
Şirin vüsal tək nidadır.
Son sözlərin əlvidadır,
İlk sözlərin heca kimi.

Qış günündə bi nə işdi,
Ayrılıq soyuqdan bişdi.
Bəlkə göydən alma düşdü,
Nolar, sayaq üçə kimi.

Rəqib sənə yar olacaq,
Günün biri xar olacaq.
Dünya sənə dar olacaq,
Bizim ensiz küçə kimi.
04.04.2025.