Gece Gazeli Şiiri - Abdullah Eren

Fezâ-yı gamda ey dilber meh-i tâbânsın bu gece
Zebân-ı dilde sen kâfiye-i şâygânsın bu gece

Hayâlin şem’ini ki âteş-i aşk şu’lelendidirdi
Yine kalbimde başka âfet-i devrânsın bu gece

Figânın tûl et ey gönlüm cihânı tutsun efgânın
O çeşm-i mest hâb-ı nâzdan uyansın bu gece

Vücûd keştîsin al câ-yı dil-ârâya götür durma
Sirişkim seyli ser-tâ-pâ yine ummânsın bu gece

Gamın hastesi ismin son nefesinde sayıklarken
Kime mihmân kimin derdlerine dermânsın bu gece

İşitdim ki eşiginde rakîb-i dîv mekân tutmuş
Şihâb-ı sûz-ı cânımdan kıyâmet sansın bu gece

Vakit ba’de harâbu’l Basra nakd-i ömr talan oldı
Neyin var ey dil aşk bâzârına pûyânsın bu gece

Firâk zulmü nihâyetde ocâg-ı dil harâretde
Uzanıp dûd-ı âhım zülfüne dolansın bu gece

Bu âteş-pâre nazmı dest-i rûzgâra ver ey Sa’dî
Varıp gitsin o yârin bâbına da-yansın bu gece