Gazeller 6 (dostluk) Şiiri - Turgut Akyüz

Ecdat demiştür ki insan tab’an ehlü medândur,
Mevlâ emrettü ki cümle ehl-i İslâm ihvândur.

Temeddünle kasıt acep nefy-i halvet mi ola?
Uhuvvetten mana zâhir nehy-i adâvet m’ola?

Elhâk müstağnidür kişi kardeşinden uhrâda,
Acep hakikatta muhtaç mıdur dahi dünyada?

Meveddet mâ bihî’l-hâce olan şeyedür illâ,
Mehâbet muzırr u nekâretedür illâ fe-lâ.

Acep sohbet ü muhabbetten kasd rahmet midür?
Rahmet dahi hüsn muamele vû adâlet midür?

Husn ile muamele hukûka riayet zahir,
Ki adâlettir bu bi-dûni zulmin ilâ âhir.

Mevlâ hubb fillâh buyururken emretmedi ki züll,
Vallâhu a’lem kast buyurdu halke tahammül.

Ki zaten muhabbet dahi sohbet olursa hevâ,
Hevâyu emr isnâdu olur mu Yezdâna revâ?

Zira hüsn-i sohbet ü muhabbet hüsn-i ahlakdur,
Bilaks hevâyu metbû kabulü sû-i ahlakdur.

Vefâ herhâl oluptur rahmet ü adl ü emânet,
Vefâya müsâvî emn ü adle mebnî meveddet.

Hak buyurdu olmaz hiç kimse günâhına kefil,
Dahî zahîr olamaz ve dahi olamaz bedîl.

Haber-i vâhiddür illâ dost imiş anda delîl,
Ol dost ki mevlâ vü nebî hariç oluptur kalîl.

Kalîlden murad adem-i imtinâ olupturur,
Aslen hiç bulunmaz demek edebe muğayirdirür.

Zira ehl-i ilm ile ehl-i dîl ettiler tarif,
Dost oluptur dostun ahvâlini yakînen ârif.

Dost olmaz ahvâlinü zâhiren beyâna mücbir,
Tebyîne muhtâc âdemle olmaz teşrîk-i sebîl.

Âh Rüeysi bu tarif kadîmde mahfuzdur bilsen,
Elân anlamaz dost çoktur zâhiren beyân etsen,
İsyân olur mu acep kulların şikayet etsem,
Nice şöyle bir tek cânı dost eylesen de ihsân,
Canım senindür ammâ yok başkam ki fedâ etsem.

17 Eylül 2020 / Erzincan