Yine devrân cihânda bir güli nev-restelendürdi
Dil-i pejmürdeyi hâr-ı gam içre hastelendürdi
Dün ebced tıflı idi bu gün üstâd mekteb-i nâzda
Serî’ kıldı şeker güftârını reftârını âhestelendürdi
Vefâ va’diyle çekdi dâma ol sayyâd-ı bî-insâf
Cefâ sengin vurup bâl ü perim işkestelendürdi
Derinde hâk ile yek-sân yatarken sîne pür-yâre
Kemân ebrûlarıyla gamze tîrin üstelendürdi
Firâkın zulmetinde hasret-i rûyiyle nâçâr dil
Kemend-i âhım atıp mâha dek peyvestelendürdi
‘Aceb bir gîcede girdâb-ı aşka mübtelâlandım
Zekânı çâhı içre zülfine pâ-bestelendürdi
Elif kâmet belim bükdi perî sûret yaşım dökdi
Dürüp de defter-i ömrüm elinde destelendürdi
Rakîb-i bed-fi’âli vuslatın câmiyle kandurdı
Firâkın zehrini bu teşneye şâyestelendürdi
Nazîr olmaz zamân içre bu şîrîn nazma ey Sa’dî
Ol âfet bu edâda şi’rini bercestelendürdi
Kayıt Tarihi : 2.12.2010 18:08:00





© Bu şiirin her türlü telif hakkı şairin kendisine ve / veya temsilcilerine aittir.

Yine devrân cihânda bir güli nev-restelendürdi
Biçâre bülbüli de ol güle vâbestelendürdi
Visâl-i yâr içün âh ü zarı bâyestelendürdi
Varâk-ı cân-ı şûrideyi ceste cestelendürdi
Dil-i pejmürdeyi hâr-ı gam içre hastelendürdi
Dün ebced tıflı idi bu gün üstâd mekteb-i nâzda
Ser-efrâz hâl ile hüsnün tağıttı bâğ u riyâzda
Nezâir yoktur âna kim ta'rif buluna mecâzda
Kelâm-ı yâr-ı şîrîn nâdidedir fenn-i i'câzda
Serî’ kıldı şeker güftârını reftârını âhestelendürdi
Vefâ va’diyle çekdi dâma ol sayyâd-ı bî-insâf
Fakat bilmem niçün etmedi râz-ı aşkı inkişâf
Nice bir derd ki çeng eyledi kaddümi pür-istiz'âf
Bu i'tiyâd-ı yârândır ki tezkîr etmiş eslâf
Cefâ sengin vurup bâl ü perim işkestelendürdi
Derinde hâk ile yek-sân yatarken sîne pür-yâre
Cürûh-ı hun-alûd içre kodı hûn-hâr-ı meh-pâre
Bilirüm fâide gelmez tabîbden bana yok çâre
Leb-â-lebdir gönül eğerçi etti ânı sâd-pâre
Kemân ebrûlarıyla gamze tîrin üstelendürdi
Firâkın zulmetinde hasret-i rûyiyle nâçâr dil
Mukadderât ki mâ'lumdur bu gayr-i kâbil-i tebdîl
İ'tirâz itme hamd ü intizâr it ey âşüfte-dîl
Livâ-yı âhımı çıkarttı 'Ayyûka ol âhen-dîl
Kemend-i âhım atıp mâha dek peyvestelendürdi
‘Aceb bir gîcede girdâb-ı aşka mübtelâlandım
Dü-çeşm ü hâl-i hindûna o vakit ibtilâlandım
Görünce rû-yı mâhın gitti gubârım cilâlandım
Zihî nâ-mütenâhi aşka düştüm pür-belâlandım
Zekânı çâhı içre zülfine pâ-bestelendürdi
Elif kâmet belim bükdi perî sûret yaşım dökdi
Ciger-fürûş mudur ol bî-vefâ kim cîgerim sökdi
El-âmân hokka-yı kilk-i kazâya zulmet çökdi
Dil-i mecnûna intizâr-ı havf ü reca' gözükdi
Dürüp de defter-i ömrüm elinde destelendürdi
Rakîb-i bed-fi’âli vuslatın câmiyle kandurdı
Bi-çâre âşığı ise od-ı hicrânla yandurdı
Cefâ vü cevrine yoktur hudûd gayrı usandurdı
Va'd-ı visâle ol bed-ahd ü kezûb hep inandurdı
Firâkın zehrini bu teşneye şâyestelendürdi
Nazîr olmaz zamân içre bu şîrîn nazma ey Sa’dî
Bedi'î şi'r ü âsâr-ı Sa'dî benümse pek-'âdî
Şikeste hâme vü dîldir bu ayb-nâk taştîre bâdî
Ümîd oldur ki ânılur hasan 'ismen mütemâdî
Ol âfet bu edâda şi’rini bercestelendürdi
Benim bercestem de şu oldu:
Elif kâmet belim bükdi perî sûret yaşım dökdi
Dürüp de defter-i ömrüm elinde destelendürdi
Nurgül Çelik
Yine devrân cihânda bir güli nev-restelendürdi
Dil-i pejmürdeyi hâr-ı gam içre hastelendürdi
Dün ebced tıflı idi bu gün üstâd mekteb-i nâzda
Serî’ kıldı şeker güftârını reftârını âhestelendürdi
Vefâ va’diyle çekdi dâma ol sayyâd-ı bî-insâf
Cefâ sengin vurup bâl ü perim işkestelendürdi
Derinde hâk ile yek-sân yatarken sîne pür-yâre
Kemân ebrûlarıyla gamze tîrin üstelendürdi
Firâkın zulmetinde hasret-i rûyuyla nâçâr dil
Kemend-i âhım atıp mâha dek peyvestelendürdi
‘Aceb bir gîcede girdâb-ı aşka mübtelâlandım
Zekânı çâhı içre zülfine pâ-bestelendürdi
Elif kâmet belim bükdi perî sûret yaşım dökdi
Dürüp de defter-i ömrüm elinde destelendürdi
Rakîb-i bed-fi’âli vuslatın câmiyle kandurdı
Firâkın zehrini bu teşneye şâyestelendürdi
Nazîr olmaz zamân içre bu şîrîn nazma ey Sa’dî
Ol âfet bu edâda şi’rini bercestelendürdi
Abdullah Eren
Muhtesem bir gazel, ne kadar derin bir kaleminiz var, begeni ile okudum...Tebrikler tam puanimla listeme ekliyorum...
TÜM YORUMLAR (5)