Gamzeñ hadengi cânumı dil-rîş idip-durur
Zülfüñ hevâsı aklumı bî-hwîş idip-durur
Derd ü belâya ışk tüvân-ger kılup beni
Sabr u karârdan katı dervîş idip-durur
Akl-ıla cân u göñlümi fettân gözüñ alup
Cevr ü cefâ vü renci baña iş idip-durur
Kurbânuñ oldug-ıçuñ ider cânuma cefâ
Gamzeñ ki zulmı kendüzine iş idip-durur
Göz kara itdi kirpügüñ içmege kanını
Bu yüregüm ki gamzeñ anı rîş idip-durur
Bu ömr nûşı ki anuñ-ıla oldı zinde cân
Ayrulıguñ belâsı baña nîş idip-durur
Ne sihr ider gözüñ ki olur ışkı bîş-ter
Niçe ki Ahmedîye cefâ-bîş idip duru
Kayıt Tarihi : 22.9.2016 14:14:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!