Gamzeñ göñüle belâdur iy dost
Cân zülfüñe mübtelâdur iy dost
Cevrüñ baña hoş vefâdur iy yâr
Derdüñ baña gey devâdur iy dost
Baglandı gönül saçuña ki ol bâg
Cân diledügi hevâdur iy dost
Gözlerüme nûr-ı ruşinâyı
Senden nazar-ı safâdur iy dost
Sen dürr-içün uş gözüm çü gavvâs
Deryâda hoş âşinâdur iy dost
Ne cevr ider-iseñ it baña kim
Binüm saña uş duâdur iy dost
Yüzüñ güline gör Ahmedîyi
Ne bülbül-i hoş-nüvâdur iy dost
Kayıt Tarihi : 19.9.2016 15:42:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!