Fettân saçuñ selâsili müşgîn degül midür
Dîvâne olmayan aña miskîn degül midür
Her kanda kim safâsı irişe cemâlüñüñ
Ol yir tolu şakâyık u nesrîn degül midür
Zülfüñe irdi bâœ-ı sabâ bu hevâ-y-ıla
Âfâk tolu bû-yı reyâhîn degül midür
Hicrüñ odına yanar-iken şem bigi cân
Kan yaşı-la tonum kamu nem-gîn degül midür
Sen kîş baglanup yüridügüñde şer-ile
Kurbânuñ olmayan kişi bî-dîn degül midür
Kaşuñ güvâhdur ki gözüñ câna kasd ider
Hoœ câdû işi fitne-y-ile kîn degül midür
Hüsn ehline egerçi cefâ-pîşedür müdâm
Âşık nüvâzişi dahı âyin degül midür
Söz kim dir Ahmedî lebüñüñ zikrin idicek
Şîrîn ü nâzük ü ter ü rengîn degül midür
Kayıt Tarihi : 22.9.2016 14:17:00





© Bu şiirin her türlü telif hakkı şairin kendisine ve / veya temsilcilerine aittir.

Bu şiire henüz hiç kimse yorum yapmadı. İlk yorum yapan sen ol!