Felqa Reş Bextê Min e

Zeman min re derdistan e
Xerîban re gulîstan e
Yar napirse ka çawa me
Ez digîrîm bi derdan e

Kula zalim, derdê zalim
​Derya kûr e, ez dinalim
Bê yar, ez wek pûş û pal im
Ba min dixe ez bêzar im

Yar kubar e, pir jî zane
Ew min dûr e, dil xizan e
Yar carekê min binêre
Mirin ji bo min derman e

Xerîban re her dem cejn e
Sal û zeman min aran e
Dilê min de, xem û kel e
Felek, dostê bêbextan e

Feleqa reş, bextê min e
Qîr û qetran roja min e
Benda yar im, yar ma li ku?
Dilê min her dem bi fîxan e

Mehmet Çobanoglu
11.03.2026
Stenbol