Felekden birgün çaldıq Şiiri - Sevinc Ar ...

Duman dağlarda azıb.
Özünə məzar qazıb.
Beş-altı kitab yazıb,
Deyən tarixdə qaldıq.

Suyun üstündə durub,
Rəqib qum saray qurub.
Yaxşıca zərbə vurub,
Sözünü yerə saldıq.

Göy üzündə min boya,
Zülmətdən bəlkə doya.
Söykənib pianoya,
Necə xəyala daldıq.

Həyat özü qurucu.
Darıxmaq çox yorucu,
Bizi sevər oxucu,
Gözəl mükafat aldıq.

Minbir çalar tonunda,
Bizdik mələk donunda.
Axırı ki sonunda,
Fələkdən bir gün çaldıq.