Dilində bəd duası yox,
Nə nazı, nə ədası yox.
Səs-səmiri,sədası yox,
Fələk necə qıydı sənə.
Çöl-çəməni gəzmədimi,
Tənhalıqdan bezmədimi.
Lal ürəyin dözmədimi,
Fələk necə qıydı sənə.
Əskik olmazdı alqışı,
Sevməzdi nalə-qarğışı.
Qarşılamaz gələn qışı,
Fələk necə qıydı sənə.
Üzügülər, boyu bəstə
Dərd gətirdin sən dərd üstə.
Əzizlərin saldın xəstə,
Fələk necə qıydı sənə.
Haqq-nahaqqı görsün Tanrı,
Qəm çələngi hörsün Tanrı.
O dünyanı versin Tanrı,
Fələk necə qıydı sənə.
Sevinc Arzulu
Kayıt Tarihi : 29.6.2018 07:09:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!