Fasil Şiiri - Ömer Dilsöz

Fasila du gotinan;
Ji nav rojên çûyî,
Wextên me yên bêpayan
Demên tu pergî min dibûyî

Li ber dîwarên sar
Di bin hilma felekê de
Bi dileke evîndar
Gotin dimirin di nava me de

Li goşeyên cemidî
Hilma cigara me nîvî dikişand
Û berfeke hûrik dibarî
Bi ser me de serma diweşand

Ji bo fasila du peyvan
Vereviyên min û te heval
Evîndarên dizkî û bêpayan
Mîna pezkûviyên bêmal

Du dilên li ber qeşayê
Têde germa havîneke geş
Du dilên ketine tayê
Ji bo fasila demeke xweş.

Berûkên me ji çilê sartir
Xemên me ji kulîkên berfê himbiztir
Dostê me fasila du gotinan
Neyarên me ji xîzê pirtir.

Lepikên me hilhilî
Pêlavên me av-vexwer
Li ber dîwarê kavilekî
Cil û bergên me bêserûber

Ji bo fasila du biwêjan
Me hin ber xwe dida
Lê dawiya hemû vîrajan
Te tîra bijehr li min dida

2002-12-09