Ez Kewim Kewa Nazdarim

Ez kewim kewa gozelim
Diqubim ber zinaranim
Per, baskê xwe diçîrpînim
Li deştan û gelîyanim

Ez kewim kewa nazdarim
Deşt û zozanan diçêrim
Baskê min xêzxêzikî ye
Ser çolistanan digerim

Ez kewim kewa palanim
Pir delalim pir narînim
Wawîk, rovî cinawarin
Ez bi derd û bi arînim

Ez kewim kewa kortanim
Bo warê xwe vedigerim
Ez kewim kewa qefanim
Cok û newalan digerim

Ez kewim kewa şaxanim
Hêlîna min de darşîlane
Demsal havîn û bihare
Wîçewîça bilbilane

Mehmet Çobaoglu
30.06.2022
Stenbol