Ez Evim Tu Ewî Şiiri - Zandar Amari

Di ruwekî de ez çav, tu kil
Di laşekî de tu can, ez dil

Li adarê ez bilbil, tu gul
Li êşan tu kewanî, ez kul

Li jînê tu êşrakî, ez êş
Tu perwaneyî, ezê sergêj

Ez hebunim tu bi xwe evîn
Ez hizrim tu jibo min dîn

Li zevîya dilan tu simbil
Li serê şikêran ez bilbil

Li ezmana tu rojî, ez heyv
Pirtûkê de ez hevok, tu peyv

Li şînahîyê tu geş bahar
Li serê adarê ez wesar

Ez zingilim tu jibo min dêr
Tu mizgeftî ez jî banga xêr

Li vê dinyayê ez şêva reş
Tu jibo dilê min roja geş

Ev çîrok, çîroka du kesî
Hişşşşt ti kesî pê ne hesî