Ez Bendewarê Welatim Şiiri - Mehmet Çoba ...

Ez ne bende ne kole me
Ez şervanim ez dozvanim
Ez hişyar bûm li ser pê me
Xwedanê war û welat im

Ez ronakim ez serwextim
Ne bêxatir ne bêbextim
Di axa şox û şengî de
Ez keça gelê Kurdan im

Bextewarî azadî ye
Ez azadî yê daxwazim
Kurdistan bo min jiyan e
Ez neçarî yê naxwazim

Ez çi qas peng û bêdeng bim
Ez ew qas gîrîn û dengim
Ez çi qas rehm çi qas qenc bim
Destê xayîna nagirim

Ez li her dem parêzvanim
Serbilindim, rûmetarim
Ez Rewşan im ez Zilan im
Ez bendewarê welatim

15.09.2016
İstanbul