Eyledim Nakd-i Dili Bir Mah Ranaya Feda

Eyledim nakd-i dili bir mah ranaya feda,
Şem’-i cemde uyanan ruhları şem’aya feda.

Cevher-i aşkım olan maye-i cismim güheri,
Leb-i la’linde olan lü’lü-i la laya feda.

Andelib dil ve can sahn-ı çemende ey dost,
Gül yüzünde açılan gonca-ı zibaya feda.

Ciğerim kanlı kebabı senin ey nergis-i mest,
Cem vaslında olan saki-i sahbaya feda.

Ma hasale hun-ı derunumda olan nafe-i dil,
Çin-i zülfünde olan anber-i saraya feda.

Hilmiya beslediğim ten kafesinde olsun,
Tuti-i tab’ım o kand-leb-i humraya feda.