Evîna Welatê Me Şiiri - Mehmet Çobanoğlu

Evîna welatê me nav dilê gelê me de gulgulî ye
Kesk û sor û zera wê jî di tev de rengrengî ye
Ew gul û kulîlkên wê bi ser axa me curbecur in
Di me re bihara hanîne û havîna me jî nav de ye

War û welatê me gulgulî û him jî rengrengî ne
Sorgulên dar û berê wê gul vedane û hêşîn bûne
Zozanên wê gul û kulîlk û sosin û binefş tijî ne
Îro me re bihar e welate gulpik wê bo me vedane

Di nav evîna dilê me de sorgula welatê me heye
Xemla bûkan û keçan ala me Kurdan jî navda ye
Ser zimanê me de lorîk û axîn û awaz in berz in
Yek soranî yek goranî ê din jî dimilî û kurmancî ye

Welatê me nav dilê me de ronahî ye ew roja meye
Ew gul e û ew sosin e ew benefş e ew jiyana meye
Ew rengê ser gulan ew xwendin bilbilan û teyran e
Ew evîna dilê me ew rûpişt û betanê ser canê me ye

Bi rastî welatê me deşt û zozanan ve xweş û geş e
Bihara me jî nav de rengrengî û gulan ve gulgulî ye
Evîna wê dilê me de wek hespê çeleg bi lez û bez e
Xwe jî bi dilekî kurd û kurdewarî bihuşt û fîrdews e

Welatê me bihara me evîna me ye havîna dilê me ye
Diya me û bav û kalê me ew keç û law û birê me ye
Heyva nav şeva me û ew tim germa li tev roja me ye
Tirêj û pertavê bo berbanga me û ronahîya roja me ye

Welatê me bawerî û ewlekarîya me ew hebûna me ye
Ew wargehê me û warê me diyarê me ew welatê me ye
Ew çem û kanî yên evîna me ew dilê me de leme lem
Ew dikişe xwîna geveze ew gula sor û welatê Kurda ye

03.04.2009
Yildirim