Evîna Min û Welat Şiiri - Rodan Ardil

Evîna me wek evînek xemxrîye
Ez aşiqê çîyayên wî, kevir û axa wî,
Hêşinahîya mêrg û zozanên wê,
Dengên çemên pêl bi pêl diherike,
Kevokên reng bi reng xulxulî.

Bi bayên wî ên sivik ra per digrim,
Û hûrik hûrik dikişim di hembêza asîmanê wî da
Dîsa li her wargehekî da bi dengê dengbêjan
Rih tê min û îja dîrok dibe qonaxa min.

Evîna min û welatê min awêneya dijîtîyê ye
Hêlekî çemê Ferat bi gim gima xwe
Dibe raperîn li hemberê neyaran.
Hêlekî rondikan dibarîne çemê Dîjle
Kul û keserên dayîkan barkiriye bêdengîya xweda.

Roj li ser milê wî bilin dibe
Welatê min dinê ronî dike, germ dike.
Lê li dijî zilm û zorê,
Kawan, Xanoyan û Risteman
Dide hemberê Dehaqan, Romîyan û Farisan.