Ev Demeke Xayîne Şiiri - Mehmet Çobanoğlu

Bêbextan gul qetandin
Baxçê me jî şêlandin
Qêrîn ket nav çiqilan
Nemerdan dil ruxandin

Baxçê gulan qirdikin
Derê xema vedikin
Me re gul zêde dîtin
Dara gulê jêdikin

Ev demeke xayîne
Ne cejne ne ayîne
Hovan dora me pêçan
Wek derdeke mayîne

Neyar hatin afatin
Derdê me jî qat qatin
Berxwedana gelan e
Şêrên me dil polatin

Wan dora me werandin
Wan malên me şêlandin
Bila biqewtin herin
Wan dilê me qelandin

Van hovan û van serman
Gul jî man bêşadiman
Heta neyar li vir bin
Ax me re nabe derman

Mehmet Çobanoulu
17.11.2022
Stenbol