Gedərəm izlərimnən
Gəzərəm dizlərimnən.
Yarəb, əzizlərimnən
Imtahan etmə məni.
Ürəyimdə daş uyar
Gözlərimi yaş yuyar.
Hisslərimi kaş duya,
Qəm dadan etmə məni.
Qəmdən əzilər ürək,
Dərddən nazilər ürək.
Allah, bəziləri tək,
Key, nadan etmə məni.
Hər vaxt üzüm ağ olsun.
Ətraf güllü bağ olsun.
Övladlarım sağ olsun,
Natəvan etmə məni.
Yaşamı hədər oldum,
Qəlblərə kədər oldum.
Dünyadan gedər oldum,
Təxt-rəvan etmə məni.
31.05.2019
Kayıt Tarihi : 8.6.2019 18:58:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!