Eşq dastanıyam Şiiri - Sevinc Arzulu

Əvvəldən çox incə soyublar məni,
Hüsnümü sevincə oyublar məni.
Hələlik bir küncə qoyublar məni,
Qatı açılmamış eşq dastanıyam.

Amansız həsrətlə barışmırıq biz,
Xeyrinə-şərinə qarışmırıq biz.
Gör neçə illərdir görüşmürük biz,
Səni ilk baxışdan necə tanıyam.

Ah, neçə nişanə özləyir məni,
Kədərli əfsanə közləyir məni.
Mas-mavi tərsanə gözləyir məni,
Sevda gəmisinin kapitanıyam.