Esmer kızım. Şiiri - Sevinc Arzulu

Ləl gedər, əqiq gələr,
Şən ovqat dəqiq gələr.
Sənli xoş dəqiqələr,
Şuşaya səslər,qızım.
Ay mənim Əsmər qızım.

Xəzərin dalğaları,
Bitməz ki qovğaları.
Sənin tək qonaqları,
Qoynunda bəslər, qızım.
Ay mənim Əsmər qızım.

Günəş ömrü naxışlar,
Xoş səadət bağışlar.
Qoy yaşasın yaxşılar.
Məhv olsun nəslər, qızım.
Ay mənim Əsmər qızım.

Qıymazsan güllər solsun,
Nə də ki gözlər dolsun.
Səninlə daim olsun,
Sevdiyin kəslər, qızım.

Haralısan, haralı,
Qarabağın maralı.
Teli mehdən daralı,
Geyin al məxmər, qızım,
Səsi bal məxmər qızım.
Ay mənim Əsmər qızım.