Esir qem küleyi Şiiri - Sevinc Arzulu

Elə bildim naşı olar,
Lal qayamın daşı olar.
Gözlərimin yaşı olar,
Hardan əsir qəm küləyi.

Könlüm başı sızıldayar
Damcı düşsə cızıldayar.
Yeni nəğmə mızıldayar,
Hardan əsir qəm küləyi.

Sanırdım bir qərib gəlib,
Qanadını gərib gəlib.
Dərd dünyasın görüb gəlib,
Hardan əsir qəm küləyi.

Sözlərindən duz tökülməz,
Yalanından düz tökülməz.
Qaraqabaq, üzügülməz
Hardan əsir qəm küləyi.

Günəşinin köksü qara,
Güləşinin rəqsi qara.
Atəşinin əksi qara,
Hardan əsir qəm küləyi.