Esir düşmüsen Şiiri - Sevinc Arzulu

Halal işimizi buracaq çoxu,
Min hiylə, min kələk quracaq çoxu.
Eh, satqın damğası vuracaq çoxu,
Çün mənim könlümə əsir düşmüsən.

Tək sənsən dövlətim-varım, hardasan.
Meyvəli baxçamda barım, hardasan.
Hamıya tam olan yarım, hardasan,
Mənim bəxtiməcə kəsir düşmüsən.

Nədəndir qüssəyə, ələmə daldım,
Sonunda həyatda sələmə qaldım.
Səni şeir kimi qələmə aldım,
Hekayə düşmüsən, nəsr düşmüsən.