Es varlığına Şiiri - Sevinc Arzulu

Bu fani dünyadan tezcənə doyan,
Bir anlıq əbədi yuxundan oyan.
Məni varlığından bixəbər qoyan,
De, necə inanım bəs varlığına.

Zəmanə qarıya tuş olsun zaman,
Kimləri yemisən, nuş olsun, zaman.
Mənim harayıma qoşulsun zaman,
Hay versin ilahi səs varlığına.

Dağlarda qalarsan qəmli “eh” olsan,
Günəş tez qurudar parlaq şeh olsan.
Bəlkə təsir etməz sərin meh olsan,
Ürəyim, külək tək əs varlığına.
20.-2.2019