Enen vaxtıdır Şiiri - Sevinc Arzulu

Gündüzün gözünə qaranlıq hopur,
Sal daşlar, qayalar zəhərdən çopur.
Hər gün yer titrəyir, zəlzələ qopur,
Zamanın tərsinə dönən vaxtıdır.

Yeni təhlükəylə üzbəüz bəşər,
Səmadan gündə bir dərd, bəla düşər.
Bürüyüb yer üzün riya, yalan, şər
Günəşin ulduz tək sönən vaxtıdır.

Matəmdə al-əlvan geyən dünyanın,
Kasıbı, yoxsulu yeyən dünyanın,
Axırı gəlibdir deyən dünyanın,
Xızırın göylərdən enən vaxtıdır.