Enen deyilem Şiiri - Sevinc Arzulu

Şaxta vurmuş ağacam,
Bir də çətin gül açam.
Bilsəm sənə möhtacam,
Yenə dinən deyiləm.

Düşməndən öc almışam,
Sevgidən güc almışam.
Mən sənsiz ucalmışam,
Sənlə enən deyiləm.

Qorxmayıram heç nədən,
Nə kədərdən, nə qəmdən.
Sözümdən, iradəmdən
Bil ki dönən deyiləm.

Mən tanıdım yarını,
Gördüm etibarını.
Daha sevgi tarını,
Dilləndirən deyiləm.

Yanıb yerə tökülüm,
Sənə qalsın tək külüm.
Göydə günəşəm, gülüm
Heç vaxt sönən deyiləm.