Düzgü kimi Şiiri - Sevinc Arzulu

Ay gecə işıq saçmayır,
Ulduz nurdan gen qaçmayır.
Bu halın məni açmayır,
Qaranlıqsan güzgün kimi.

Sarı çiçəyi yolanım,
Qoy başına mən dolanım.
Əhvalı gözəl olanı,
Sən eylədin üzgün kimi.

Gəzdin döngə-dalanı da,
Rəvayətdir qalanı da.
Söylədiyin yalanı da,
Sırıyırsan düzgün kimi.

Dözəmmədi həsrətinə,
Vurulmuşdu ismətinə.
Yazılmadı qismətinə,
Eh, gözləri süzgün kimin.

Ürəyindən keçdi nələr,
Hekayətlər, əfsanələr.
Qəlb oxşayan xatirələr,
Dilimdədir düzgü kimi.