Düzen görürüm Şiiri - Sevinc Arzulu

Buludu göydən aşağı,
Quş kimi süzən görürəm.
Anasız qalan uşağı,
Dodağın büzən görürəm.

Sevinməz ki, namərd yağı,
Mənsizlikdən de yüz ağı.
Sezmir gözlərim uzağı,
Dağları düzən görürəm.

Qızılgül-güllər göyçəyi,
Ətir saçır hər ləçəyi.
Yarımı gülü.çiçəyi
Telimə düzən görürəm.

Toxunammaz yad daşıma,
Illər hopub yaddaşıma.
Yığışıb dost-yad başına,
Boldur mey-məzən,görürəm.

Sevinc.körpü sal yaşılı,
Xəyallara dal yaşılı.
Geyinəndə al yaşılı,
Gözəlsən bə`zən,görürəm.