Düyün düşüb Şiiri - Sevinc Arzulu

Düyün düşüb xatirələr kələfi,
Kim açacaq bilmirəm bu düyünü.
Nisgilindən üşüyürmü sələfim?
Isti külək yayımlarmı ünümü?

Gəmirəcək içimi lal şübhələr,
Bu acıyla axı necə yaşayım.
Göz önündə ağılalmaz lövhələr,
Həsrətini bəlkə gecə yaşayım.

Qədərimdən oyum-oyum oyuldum,
Həyatımı başa vurmaq vaxtıdır.
Kədərimdən soyum-soyum soyuldum.
Mənim yerim qəmin uca taxtıdır.