Düşüncedir Şiiri - Sevinc Arzulu

Görən gözə sahibəm,
Sönməz közə sahibəm.
Demə sözə sahibəm,
Dodaqdan düşüncədir.

Səsim gah zil, gah da bəm,
Yaxşılığa talibəm,
“Mən dahiyəm, qalibəm”-,
Bu necə düşüncədir.

Yarın hay verməsə də,
Nərgiz pay verməsə də,
Sənə boy verməsə də,
Çiçəklər döşüncədir.

Tarixə yazılacaq,
Qayaya qazılacaq.
Ağrısı azalacaq,
Yaranı deşincədir.

Çox isti döy dəmiri,
Bol-bol yandır kömürü.
Boz dovşanın ömürü,
Aslanın dişincədir.