Düşer Şiiri - Sevinc Arzulu

Fələk öz öynunu oynayar yaman,
Ayrılıq, uzaq dur vüsaldan, aman.
Qəflətən küçədə rastlaşan zaman,
Yadıma verdiyin quru söz düşər.

Sən öz saydığın say, fələk nə deyir,
Bir kimsə fələkdən görməyib xeyir.
Xalqın qismətinə ləli-cəvahir,
Eh, mənim bəxtimə çürük qoz düşər.

Bütün ümidlərim yanıb qor olar,
Sevənin hər zaman gözü kor olar.
Cavabsız sevginin işi zor olar.
Soyumuş ocağa isti köz düşər.