Çalışıb bir daha göyə baxmayım,
Yağışa çevrilib yerə axmayım.
Necə diksinməyim,necə qorxmayım,
Ildırımın gurultulu zəngindən.
Şaxtanın bəxtinə yay da düşməyir,
Günəşin gözünə ay da düşməyir.
Dərəyə bir qətrə pay da düşməyir,
Sıldırımın duman çökmüş rəngindən.
Gəl vaxtsız-vədəsiz döyüşdən qaçaq,
Yadın ümidinə qalmasın ocaq.
Kim qalib gələcək, kim uduzacaq,
Qaldırımın endirimlə cəngindən.
29.03.2019
Kayıt Tarihi : 3.4.2019 16:52:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!