Dualar gül düzümü Şiiri - Sevinc Arzulu

Qəm-kədər aralanır,
Ayrılıq yaralanır.
Sonadək sıralanır,
Dualar gül düzümü.

Alıb dəstəmazımı,
Qılıram namazımı.
Ucaltmam avazımı,
Sənə tutub üzümü.

Külək iolub əsəm də,
Görüşə tələsəm də...
Pıçıltıyla desəm də,
Eşit ürək sözümü.

Uçub çən ahım,Allah
Nurlu sabahım, Allah.
Sənsən pənahım, Allah
Tənha görməm özümü.

Tale məndən dönməsin,
Dərdin üzü çönməsin.
Bir anlıq da sönməsin,
Alışdır şer közümü.