Yenə də qaşımı çatıb qalmışam,
Fərəhi kədər satıb qalmışam.
Elə içindəcə batıb qalmışam,
Bu qədər düyünü mən necə çözüm,
Dözüm, ay dözüm.
Qəfildən quruyan çay olmuşam mən,
Haray olmuşam mən, hay olmuşam mən.
O günəş olubsa, ay olmuşam mən,
Bilirəm, həsrətə günahkar özüm,
Dözüm, ay dözüm.
Başlasın toy-nişan, başlasın düyün,
Ilahi, verdiyin şənliklə öyün.
Elə qorxuram ki bir zaman, bir gün
Qəfildən alışar soyuyan közüm,
Dözüm, ay dözüm.
31.07.2015
Kayıt Tarihi : 8.6.2018 06:22:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!