Dövr eder Şiiri - Sevinc Arzulu

Hərcayilər verməz bizə aman, bax
Doğru çıxar ürəyimə daman, bax.
Deyirlər ki təkrarlanır zaman, bax,
Günəş Yerin ətrafında dövr edər.

Ayrılığın şərbətini içənim
Məni deyil, o əğyarı seçənim.
Xatırlatma mənə olub-keçəni,
Qaysaq tutan yaralarım qövr edər.

Bu iztirab, bu ağrı mənim bəsim,
Susub qallam.Daha heç çıxmaz səsim.
Başa çəkməz müxənəti, nakəsi,
Tanrı haqsız insanlara cəbr edər.

Ətrafına bir istilik köz saçmır,
Lovğalanmır, şüasından söz açmır.
Hicrin güclü küləyindən göz açmır,
Yazıq ürək ah, nələrə səbr edər.

Sənsiz keçməz bir satım, dəqiqəm,
Eh, qiyməti bilinməyən əqiqəm.
Bilirəm ki imkan versəm rəqibə,
Məkanımı dirigözlü qəbr edər.