Dostum Şiiri - Sevinc Arzulu

Görən nə söylərsən sən mabədində,
Fikir səhrasında veyiləm, dostum.
Sevdanın qəsr adlı daş məbədində.
Sərgərdan , avarə deyiləm dostum.

Işğal olunubdur azadlıq qitəm,
Əğyardan çəkirəm amansız sitəm.
Nə sərin su kimi içilib bitəm,
Nə də şikar kimi yeyiləm, dostum.

Gecələr doğan Ay Günəşi görməz,
Qızılı telini sevərək hörməz.
Mənim qürurum var, icazə verməz,
Kimsənin önündə əyiləm, dostum.