Doğrudan keçib Şiiri - Sevinc Arzulu

Qapını qış alıb, meyvə soğulur,
Ən yüksək nöqtədə hava boğulur.
Sanma ki dünyaya asan doğulur,
Hər insan gəlişi ağrıdan keçib.

Həyatın heç fərəh vermədi ki çox,
Bir qarnı ac oldun, bir qarnınsa tox.
Götürdüyün sənin, gördüyünsə yox,
Bu qızıl qaydalar oğrudan keçib.

Ayrılıq acı dərs öyrətdi mənə,
Düşmüşəm yayda da duman, çənə.
Dünyanı dolaşıb dursa da yenə,
Yalanın örkəni doğrudan keçib.
06.10.2018