Denizi de aparacam Şiiri - Sevinc Arzulu

Bu qədərmi ...Nə tez unutdun məni,
Son vidaya dəymədimmi mən yəni..
Hələ bir dur, nələr gözləyir səni,
Sinəndə od qalacayam közümlə.

Sənsiz, zalım, yediyim acı zəhər,
Boğur məni, aman verməyir qəhər.
Zilləyəcəm gözlərimi hər səhər,
Saçlarını darayacam gözümlə.

Nədir görən baxışında gördüyüm,
Qulac-qulac tellərini hördüyüm?
Bir zamanlar hədiyyə tək verdiyin,
Dənizi də aparacam özümlə...