Diyemedim Şiiri - Dr İlhame Müslümova

Sevdim….gör, nə işlər gəldi başıma ?!
“Verirəm, eşqimi al” deyəmmədim…
Qönçə dodaqların gəldi xoşuma ,
Dadını bilmədim, “bal” deyəmmədim …

Şirin ümidlərlə xəyallar qurdum,
Səninçün özümü daşlara vurdum,
Ayağın büdrədi, yanında durdum,
“Qolunu boynuma sal” deyəmmədim…

Cavabsız bu sevgi canımı sıxdı,
Ruhumu incitdi, ömrümü yıxdı …
Bütün ləçəklərim “sevməyir” çıxdı,
Qorxdum… mən adına “fal” deyəmmədim…

Dedim ki , “nə ola, bu eşq bitməyə…
Yar məni sevgimə peşman etməyə”
Dünəndən hazırsan, gördüm, getməyə,
Nə qədər istədim… “qal” deyəmmədim..