Dîvân-ı İlâhîyât 219

Ola maksûdumuz fazlınla hâsıl
İnâyet eyle sultânım meded hay
Olalım nûr-ı pâk-i zâte vâsıl
İnâyet eyle sultânım meded hay

Hudâ-yı Müste'ân açarsa yollar
Ere matlûbuna bî-çâre kullar
Safâya ermeğe mahzûn gönüller
İnâyet eyle sultânım meded hay

Vücûdu kande buldu cinn ü insân
Safâyı kanden aldı ehl-i irfân
Yine senden olur kullara ihsân
İnâyet eyle sultânım meded hay

Bizi fazlınla çünki etdin îcâd
Yine eyle na'îm-i vasla irşâd
Olalım mâsivâ hubbundan âzâd
İnâyet eyle sultânım meded hay

Hüdâyî'ye hidâyet senden olur
Dahi matlûba vuslat senden olur
Efendi fazl ü rahmet senden olur
İnâyet eyle Allah'ım meded hay