İbâda olmayınca Hak'dan ihsân
Neye kâdir olur bî-çâre insân
Kalır hayretde şöyle mest ü hayrân
Yine Hak'dan olur her derde dermân
Eğerçi kulların çokdur kusûru
Velî Hakk'ın dahi çok afvı nûru
Odur tedbîr eden cümle umûru
Neye kâdir olur bî-çâre insân
Hatâ ile sudûr eylerse evzâr
Umarız afv ede ol Rabb-i Gaffâr
Tazarru'da ola gör imdi her bâr
Yine Hak'dan olur her derde dermân
Sivâyı ko hevâlardan gözün yum
Ve illâ nefs-i şûmun hâli ma'lûm
İnâyet eyleye ol Hayy u Kayyûm
Neye kâdir olur bî-çâre insân
Hüdâyî kulun irgürdü hayâta
Delâlet etdi ef'âl ü sıfâta
Hidâyet eden oldur nûr-ı zâta
Yine Hak'dan olur her derde dermân
Kayıt Tarihi : 22.3.2016 10:27:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
TÜM YORUMLAR (1)