Kemâl-i lutf u ihsânından Allah
Dedi Lâ taknetû min rahmeti'llâh
Olagör rahmet ümmîdinde dâ'im
Bu ma'nâdan eğer oldunsa âgâh
Anın fazlıyle devr eyler felekler
Ziyâyı andan alır mihr eğer mâh
Ve bi'l-eshâri hum yestağfirûne
Bak istiğfâr eyle her seher-gâh
Yürü sa'y ede gör bâkî na'îme
Kişiye çünki kalmaz mâl eğer câh
Dü âlemde sa'âdet ol kulundur
K'ola Hak'dan inâyet ana hem-râh
Hüdâyî'ye n'ola ihsân edersen
Atâna muntazırdır bende vü şâh
Kayıt Tarihi : 22.3.2016 10:16:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
TÜM YORUMLAR (1)