Dîvân-ı İlâhîyât 179

Vücûd iklîmini fikr eyle dervîş
Bu cân ü cism ve bu eller nedendir
Hakk'ın ihsânına sükr eyle dervîş
Gören göz söyleyen diller nedendir

Nedendir mihr ü mâh encüm süreyyâ
Nedendir Arş ü Ferş ü Sidre Tûbâ
Müsemmâ bir nedendir bunca esmâ
Zuhûrât ü temessüller nedendir

Bu hüsnü kande buldu şâhid-i gül
Niçün feryâd eder bî-çâre bülbül
Nedir kesret bir iken mebde-i kül
Efendi bir bu çok kullar nedendir

Şu nâdân kim edipdir haşrı inkâr
Anı ilzâm eder evrâk-ı eşcâr
Fenâ bulup hayâta erdi tekrâr
Teğayyürler tebeddüller nedendir

Kimi nâkıs bu halkın kimi kâmil
Kimi hayretde kalmış şöyle gâfil
Hüdâyî kimi nûr-ı zâta vâsıl
Terakkîler tenezzüller nedendir