Dinemmedim Şiiri - Sevinc Arzulu

Sərilmədim yerə çul tək,
Alçalmadım əzik pul tək.
Qarşısında durub qul tək,
Mən ki sevgi dilənmədim.

Hərcaiyə asma qulaq,
Qanmazlıqda sanki ulaq.
Dörd tərəfim sərin bulaq,
Susuz qaldım, dinəmmədim.

Zəfər çaldım onuna.Tək,
Hicrin qara donuna tək.
Mübarizdim sonunadək ,
Öz yolumdan dönəmmədim.

Dostluma isti qucağam,
Düşmənimə sərt bucağam.
Daim yanan gur ocağam,
Xar sözünə sönəmmədim.

Qulaq as könül səsinə,
Gül ətirli nəğməsinə.
Qalxdım dağın zirvəsinə,
Daha yerə enəmmədim.