Dîmena reş û spî Şiiri - Ömer Dilsöz

dîmeneke reş û spî
ji nav rojnûskeke qurmiçî
ji rojên bihareke nûpişkdayî
min dît
di çirûska çavên te de
erê keça Helepçeyî

min dît
zêmar û hawar bû dayikan
li ser cendekên parçekirî
'kurê min... keça min
ax ez gorî, dayik nemîne
ma çi hawara te bû! '

erê keça Helepçeyî
ji nav çavên heyvê
di nava fêrmiska ewran de
wekî birîna xerdelê bariyayî
û ketiye nava dilê min
lê venûsiyayî